電影《爆漫》後感 總分:70分

撰寫日期:2015年12月13日


<含少量劇透>
睇左全港第一場《爆漫》,
如果以漫畫角度黎講嘅話其實真係幾"有趣",
監督用嘅手法非常特別,令人睇呢套電影嗰陣會感覺到好濃厚嘅漫畫風格,以電影黎講都幾新鮮,
呢套電影劇本同監督由大根仁負責,之前曾經睇過另一套出自佢手嘅漫畫改篇電影《草食男之桃花期》得知佢嘅風格係要未睇過前作/原作嘅都可以直接睇佢嘅電影版。


講翻正題,在下係原作嘅fans,所以對呢套電影或多或少都充滿期待,動畫睇過漫畫亦都睇過,基本上動畫有8-9成都係跟翻晒漫畫去做,只係動畫第三季因為篇幅問題而無奈刪去少量劇情。


到左電影其實都預左唔少位置會有改動,不過佢改動嘅情況有少少超出預期。場景改動嗰啲唔講,主要講主線劇情上嘅大變改。
首先無左香耶呢個角色先,呢樣事前已經知道,
然後原作裏面兩位主角首次連載嘅作品係《疑偵探TRAP》,電影改為原作入面只係出短篇嘅《財智造世界》為首套連載作品,並用佢黎作整套電影嘅骨幹之一。之後連載作品上並無用到「亞城木夢叶」呢個筆名而直接用"原作:高木秋人 作畫:真城最高",筆名呢點喺電影入面連提都無提及過。另外原作講到亞豆兼任配音員一事係獲學校體諒,電影裏面因學校校規而被迫中途退學,亞豆同真城就係咁咁快就被分開....電影亦無提及真城阿叔以前嘅戀人...
好多好多改動不能盡錄,同時亦留翻少少餘地等大家自己發掘啦。


電影雖然有好多改動,但係其實好多位都根據原作而串連翻,
部份情節甚至比原作更"現實化",至少佢真係成功將漫畫製作嘅過程原原本本咁呈現喺你眼前,電影亦有適當地跳過部份時間軸,不過節奏方面可以再掌握得好少少,部份位置其實可以再交代多少少細節。
電影以最高同秋人成功超越新妻成為第一名,同時於高中畢業作完結(詳細唔多講),最後有少少伏筆,如果拍續集唔成問題。
片尾staff list部份別有心思,用一本又一本漫畫並列書側嘅書名及作者部份出劇組工作人員。
道具方面非常有心,每本劇中嘅虛構漫畫都真係整翻實物出黎,雖然有啲可能只係得個書皮,連原稿紙都真係張張大大張咁做晒實物。
選角方面都算合格,有幾個選角可以話適合得黎又唔係好適合,主要睇你清唔清楚演員/角色嘅背景。
主題曲都幾襯托套電影,幾洗腦...


電影主題係圍繞住王道漫畫嘅"友情、努力、勝利"
睇完套電影真係想重新睇多次動畫版,某程度上呢套電影都幾成功可以引人去睇翻原作,如果出續集嘅話會繼續支持。
假如你係原作fans或者睇過動畫嘅話,睇呢套電影之前要做定心理準備去接受佢有多地方嘅改動,只可以話呢樣係大根仁監督嘅風格。
但如果你事前完全未睇過原作同動畫嘅話,直接走去睇呢套電影係完全無問題,分分鐘仲會有好高嘅評價。


最後到評分,
劇情　　　 32/50
道具&特技  18/20
選角　　　 12/20
主題曲　　 8/10
總分:70分

動畫《四月是你的謊言》後感

撰寫日期:2015年6月11日


--動畫《四月是你的謊言》觀後感-- <以下內容含劇透>


終於補完《四月是你的謊言》,最初想看的理由只是聽見別人口中說的"虐心"二字,
畢竟我並沒有太多時間看TV動畫,
每季能否看完一部都成問題(非當年新番以及香港電視台播映的不計算在內),
所以盡量都會選擇一些對情感描述比較細膩的動畫,
在這方面上年選擇了《來自風平浪靜的明日》(凪の明日から,略稱凪),
今年選擇了《四月是你的謊言》。
老實說兩部感情方面都描寫得非常精彩,兩部在各方面都達至精品水平,
例如作畫,主題歌,配樂以及劇本等,
個人特別喜歡《凪》的藍色,那種藍色比現實中見到的海還要漂亮,真的美得目不暇給。


說回正題,《四月》真的是一部挺虐心的動畫,這部動畫是由漫畫改篇,
而動畫播完之時正正也是漫畫完結之時。
動畫故事一開始已經為結局鋪下伏線,雖然如此,但故事一直都是以正面角度描寫。
初段以男女主角在四月的邂逅帶出女主角是一位小提琴手,
然後一次小提琴比賽下男主角被女主角邀請當鋼琴伴奏,
從而開始解釋男主角為何不能再彈鋼琴,
之後在女主角的鼓舞與鞭策下重新彈回鋼琴,以男主角的心理轉變帶出許多鼓勵的訊息,
而中段開始將"勵志"這個角色正式轉移到女主角身上,同時也不忘對其他角色的描述,
就如一直在追隨著男主角的青梅竹馬,亦細說男主角對女主角的感情,
反而女主角的感情描寫方面所占比例並沒有特別的多。
看完一集,看完一集,看到中間便開始在想:到底標題中的"謊言"是指哪件事呢?
故事接近尾段,主線圍繞著女主角的病以及男主角心中感情的矛盾和鋼琴比賽,
最初是女主角鼓勵男主角振作,
豈料居然會由男主角鼓勵回女主角不要放棄,兩人決定以再一次合奏作目標奮鬥。
正當男主角下定決意面對自己感情問題的時候,女主角病情急轉直下,男主角的信心再次動搖影響鋼琴比賽,
女主角為了令男主角重振自信再次鼓勵男主角,同時亦決定接受對她來說挺危險的手術。
到了尾段,男主角重新站回舞台開始鋼琴比賽,同時女主角亦正在接受手術,
正當以為男主角不能好好地演奏時,
男主角百感交集的情緒竟使他的表演發揮得淋漓盡致。

演奏中途,男主角"在幻想中"目見女主角當回小提琴手的位置,並一同合奏,
演奏快將完結時女主角就如化成光一樣地消失,完結後,男主角亦滿面眼淚說了一聲:"再見了"。
沒錯,女主角就在男主角演奏途中逝去。
這一幕超出想像,出乎意料地出現,兩人最後一次(再一次)的合奏,就只能"在幻想中"完成,
這一幕表演方式,就如宮崎駿的《風起了》最後一幕那樣。
最後一段的時間軸,已經差不多到男女主角相識後第二個四月,男主角從女主角的父母手中得到一封信,
而那封信,是女主角一直想跟男主角說出的所有事,
當中包括了原來他們真正的第一次邂逅是在5歲那年男主角第一次演奏的時候,
原來女主角是因為男主角才當小提琴手,原來女主角一直說的謊言是...
而信中還有一張照片,說不定那張照片就是他們唯一的一張合照......


看到最後一段,看到信中那些內容,聽到充當背景音樂的ED1,真的忍不住流下眼淚,
對上那次看TV動畫看到流眼淚已經很久之前了,大概那部就是《未聞花名》,
但《四月》跟《未聞花名》不同的是《四月》一直以"勵志"去包裝整個故事。
看完整套動畫之後,只感嘆:自己補看補得太遲了,
亦有概嘆:假如女主角沒有接受手術的話可能就不會這麼快離去了,
但同時覺得,女主角接受這個如此危險手術,能夠為男主角帶來一絲希望地離去,或者已經無悔了。
而動畫亦帶出最重要的一點:時間。


正如一開始所說,《四月》這部動畫不論各方面都非常出色,
情感細膩之餘帶點勵志,追逐夢想之餘帶點現實。
同時亦說說主題歌部份,ED2 7!!的《オレンジ》某程度上是女主角的心聲,
但假若套用在男主角和他的青梅竹馬的身上也適用,
這首歌第一次聽的時候已經非常催淚,但並不是看這套動畫時聽到,而且在網上找歌時聽到的,
或許這首歌也適合套用在你身上(這個可能性雖然不大)。


今時今日,《四月》呢類動畫已經唔多了,比起講現實,人性,陰暗等,
而家嘅我都仲係比較鐘意睇情感細膩嘅動畫多啲,雖然好多講現實嘅動畫都好正,有啲我都有睇,
但係總係覺得吸引程度並不及情感豐富動畫,所以幾應該珍惜呢啲感人嘅動畫,
因為可能睇完一套會影響你一世,加上已經越黎越少呢類動畫,睇完一套想搵下一套都未必咁容易有。