劇集《作樂英才》(仰望師恩) 小小的感想

撰寫日期:2016年9月26日

劇集《作樂英才》(仰望師恩) 小小的感想

喺呢個適逢奧運而日劇又被公認為弱勢嘅夏季,富士台自取滅亡不再講,全數民放劇收視都曾經跌到少於兩位數,望住套套劇收視仆直簡單令人心酸。



雖然收視並不樂觀,我亦抱住隨時中伏嘅心態係咁而望左其中幾套劇,
其中一套比較意外同特別吸引到我嘅係《作樂英才》(仰げば尊し)。
電視台以真人真事改編作為賣點,同時亦係該電視台較拿手嘅連續劇形式製作,再加上東寶有份參與劇集製作,對厭惡單元劇泛濫嘅觀眾黎講不失為一個好選擇。


本來諗住hold喺度慢慢睇,點知睇完第4集已經忍唔到手直接煲埋後面。故事戲路並唔難估,但係勝在細節描寫細膩,感人位做得非常到位,
幾乎每集都能夠勾起年輕時的回憶,睇緊套劇嘅時候就仿如一位學生在專心細聽老師說道,再加上高見優所做嘅音樂配合,真係會每集都令人非常想喊。
編劇將呢8集嘅篇幅發揮得淋漓盡致,雖然今季平均收視冠軍並唔係佢,不過TBS的確再一次打左場漂亮嘅仗。


呢套劇確實係夏季入面嘅一套良心作,只可惜周邊討論嘅人寥寥可數。
曾經因數強國客而被捧至"神劇"地位嘅《神之舌》睇完頭三集發現每集只係重覆同樣戲路甚至連動作對白都一致,如果唔係編劇/演員嘅死忠的話只能夠當作無聊消遣之劇集;
而《有喜歡的人》睇左第一集個頭都開得OK,有時間可以繼續觀察;而同《作樂英才》打對台同時間播而慘敗嘅日版未生《HOPE》當初有期待過,不過無時間睇住,
周邊評價一般,到底係咪真係講到咁差?


係嘅,我睇片係慢左啲嘅,最後一個疑問只係點解呢套劇會無得出碟...